طريقة البسبوسه المرمله للشيف ناديه السيد

هاتعملو حلويات السنه الجديده في عشر دقايق بس وطعمها لا يقاوم بجد رهيبه.

مقادير البسبوسه

_ 1 كوب سكر

_ ربع كوب مياه

_ 2 ملعقة سمنه

_ 2 ملعقة زبده

او ممكن 4 معالق سمنه لو مفيش زبده

_ علبة قشطه

_ كوبايه الا ربع مياه

_ 2 كوب سميد ساده من عند العطار

_ ربع كوب جوز هند ناعم

_ معلقه صغيره بيكنج بودر

طريقة تحضير البسبوسه

نضع 1 كوب سكر على نار عليه ربع كوب مياه من غير تقليب نسيبهم لحد ما يكرملو واللون يغمق بس مايتحرقش ف خلى بالك

ولما تتكرمل ننزل عليه بمعلقتين سمنه ومعلقتين زبده واللى معندوش يحط 4 معالق سمنه وننزل بوش اللبن او علبه قشطه وبعديها كوباية الا ربع مياه ونقلب غلوه ونطفى ونسيبها تهدي على جمب بس ماتبردش يادوب تهدى

نيجى للسميد فى اى طبق نحط 2 كوب سميد ساده من عند العطار وعليهم ربع كوب جوز هند ناعم ومعلقه صغيره بيكنج بودر ونقلبهم كويس وننزل عليهم بخليط الكراميل ونقلب براحه اوى لحد ما كله يختلط وفى صنيه مقاس 28 مدهونه طبقه سمنه محترمه ننزل بالخليط فى فرن سخن شغال فوق وتحت على 180 لحد ما الوش يحمر..

طريقة تحضير الشربات

كوب ونص مياه وزيهم سكر ومانقلبش لحد ما يلغى نقلب ونحط عصره نص لمونه ونسيبهم 5 دقايق ونطفى واول ما البسبوسه تطلع نسقيها بالشربات السخن ونغطيها وانتى بتسقى هتعرفى ان بسبوستك ناجحه لما تشرب منك الشربات وبالهنا.