تعالوا نعمل زبادى رمضان للسحور من غير مكنة زبادى
الطريقة:
نصف كيلو كامل الدسم ميكنش مغلى قبل كده
بغلى اللبن على النار واسيبه يبرد (زى دمع العين )
بنجيب اى نوع علبة زبادى صغيرة تكونوا بتحبوا(كخميرة الزبادى)فواكة أو سادة
بنحط الزبادى فى الخلاط عليها ملعقة سكر وشوية صغيرين من اللبن ونضربهم كويس فى الخلاط أو الهاند بلندر
هنضيف خليط الزبادى واللبن على بقيت اللبن ونقلب بالملعقة
نصب الخليط فى كوبايات صغيره او بولات
نحطهم في صنية ونحط في الصنية ماية مغليه توصل لنصف الكوبايات أو البولات اللى فيها الزبادى
نغطيها باستريتش كويس وعليها فوطة
نحطها من بليل للصبح تتخمر فى الفرن وطبعا الفرن مطفى
تانى يوم بتبقى قمر وكريمى وانضف واحسن وارخص كتير من برا
النص كيلو لبن بيعمل ٧ كوبايات زى دى
اى نوع زبادى هتستخدموه هيطلع معاكم الزبادى شبهه بالظبط
لو عاوزين تعملوا ساده بنضيف معلقة سكر زى ما كتبت فوق
لو عاوزينها فاكهه بنحط معلقتين وممكن نضيف قطع فواكه يارب تعجبكم وتشجعونى
متنسوش تدعولى دعوه حلوه من قلبكم
كل سنة وانتم طيبين وبالف خير ورمضان كريم عليكم
