_ يوم فى الاسبوع لو شعرك هايش ومحتااج ترطيب دلعيه بماسك سهل وسرييع
المكونات: (حبة افوكادو طرية + ٤ معالق عسل ابيض + ٤ معالق لبن رايب او زبادي) ونضربهم فى الخلاط وحطيه على شعرك من 45 دقيقه لساعتين وبعد كدا نغسله.
_ ماسك يغذي ويلمع الشعر وممتاز لفروة الرأس….
المكونات: (نص موزه مهروسه والافضل تكون مجمده قبلها + معلقه كبيره زيت جوز هند + معلقه صغيره نسكافيه) نحطه على شعر نضيف لمدة 35 دقيقه او ساعه ونص ونغسله وكمية الماسك حسب طول شعرك.
_ ماسك للشعر الهايش
المكونات: ( معلقة زبدة شيا و معلقة زيت جوز هند و معلقة زيت خروع و معلقه كبيره عسل ابيض) هنجيب طبق فاضى ونسخنه على النار وهو فاضى هنخلط المكونات كويس جداا مع بعض ونسيبها من ساعه ل ساعتين ونغسل الشعر ونستخدمه مره كل اسبوع وشوفي الفرق
_ ماسك العسل
المكونات: (4 معالق كبيره عسل و 6 معالق كبار زيت زتون) لازم كمية الزيت تكون اكتر من العسل حطيه على شعرك واعملي مساج لفروة الرأس ونسيبها لمدة نص ساعه ل ساعه واغسلى.
_ ماسك الحليب والعسل
المكونات: (4 معالق كبار عسل و و4 معالق لبن سايل) حطيه على شعرك واعملي مساج لفروة الرأس ونسيبها لمدة نص ساعه ل ساعه واغسلى.
_ ماسك حمام الزيوت الطبيعية
المكونات: (زيت زتون و زيت لوز حلو و زيت جوز هند و زيت خروع و زيت إكليل الجبل الروزماري) هنخلط مجموعة الزيوت مع بعض ونحطهم على الشعر ونعمل مساج ونسيبهم على الشعر لمدة ساعه ل ساعتين واغسلى.
_ ماسك زيت اللوز الحلو + العسل + الياغورت الطبيعي
المكونات: (4 معالق عسل كبار و 6 معالق زيت لوز حلو و 2 معلقه ياغورت طبيعى) خلي الماسك على شعرك لمدة ساعه وكل ما طولتى المده كل ما هتاخدى نتيجه احلى.
_ ماسك البيض + زيت الزيتون
المكونات: (بيضه كامله و 2 معالق كبار من زيت الزيتون) ونتركها لمدة ساعة على الشعر واغسلى.
_ ماسك الموز + ياغورت طبيعي + زيت جوز الهند
المكونات: (موزه كامله افرميها بالشوكه و 4 معالق كبار جوز هند و مع نص معلقه ياغورة طبيعى) افرمى الموزه بالشوكه وحطى عليها باقى المكونات واخلطيهم وحطيهم على شعرك لمدة ساعه او اكتر واغسلى.
_ ماسك الزيت زيتون + النشاء + الياغورت الطبيعي
المكونات: (4 معالق كبار زيت زيتون و معلقتين نشا و ونص معلقه ياغورت طبيعي) نتركه على الشع ساعه او اكتر واغسلي.
ملاحظات مهمه قبل عمل اي ماسك للشعر
_ قبل ما تحطى الماسك على شعرك لازم تعملى مساج للفروه وبعد ما تخلصى المساج حطى الماسك ولازم تغطى شعرك بكيس بلاستيك او برو كاب او اي حاجه عندك.