ماسك الشوفان
المكونات: (دقيق الشوفان و نشا و زبادي) هناخد معلقه كبيره من كل المكونات ونخلطهم كلهم مع بعض وبعد كدا هنحطه على بشره نضيفه لمدة 20 دقيقه بعد كدا نقوم بفركه ونغسله بمايه بارده نستعمله 3 مرات فى الاسبوع.
ماسك النيلة الزرقة
المكونات: (لبن بودره و نيله زرقه و زبادي و نشا) هناخد معلقه صغيره من لبن البودره والنشا ومعلقه كبيره من الزبادى ورأس معلقه من النيله الزرقه ولازم نتاكد انها اصليه ميه في الميه هنخلط المكونات مع بعض كويس بعد كدا نحطها على بشره نضيفه لمدة ١٥ دقيقه ونغسلها بمايه بارده فقط تستعمل 3 مرات فى الاسبوع.
ماسك الكركم
المكونات: (نعناع و كركم مطحون و نشا و زبادي) ناخد معلقه صغيره من الكركم والنشا ومعلقه كبيره زبادي و 7 اوراق من النعناع المطحون نخلط المكونات مع بعضها كويس ونحط الماسك على بشره نضيفه لمدة 20 دقيقه ونغسله بمايه بارده نستعمله 3 مرات فى الاسبوع.
ماسك لبان الدكر
المكونات: (معلقتين لبان دكر و معلقتين نشا و ماية ورد) هننقع لبان الدكر فى مايه ليوم كامل 24 ساعه ونصفيه وناخد المايه بتاعته ونحط اناء على النار ونحط ماء لبان الدكر و معلقتين نشا و ماية الورد ونقلب كويس لحد ما الكتل تختفي ونحطها فى علبه ونحطها فى التلاجه وكل يوم نحطه ماسك قبل النوم.
ماسك القهوه
المكونات: (معلقه كبيره قهوه و معلقه كبيره كاكاو و معلقتين كبار زبادي) اول حاجه لازم نغسل الوجه كويس قبل وضع الماسك هنخلط المكونات ونضعها على الوجه لمدة 10 دقيقه وبعد كدا هنشيل الماسك ونستخدم المرطب المحبب لدينا.
نصايح لنجاح مفعول الماسكات
- قبل ما نحط اي ماسك نتأكد ان البشره نضيفه وخاليه من الميكاب والزيوت او الكريمات ونبدأ بإزالة الميكاب وغسل الوجه بالغسول المناسب لدينا وتنشيف البشره لأنك لو حطيتى ماسك على بشره فيها غبار وبقايا ميكاب بدل ما هتفيدك هضرك وممكن يطلعلك حبوب تحت الجلد وتعمل التهاب للبشره.
- يجيب استخدام المقشر مره فى الاسبوع عشان نشيل الجلد الميت من الوجه وتكون البشره نضيفه وجاهزه للاستفاده من اي ماسك تسنخدميه لان الجلد الميت يمنع امتصاص الماسك والإستفاده منه ويروح تعبك على الفاضى فضروري تقشير البشره.
- غسل الوجه بمايه دافيه او نستخدم البخار او فوطه سخنه عشان تفتح مسامات الوجه وتمتص الماسك وتستفيد منه البشره بأكبر قدر ممكن.
- ضعى الماسك على الوجه وندلكه لمدة دقيقه او دقيقتين وخليه على بشرتك حسب مدة الماسك التدليك ينشط الدوره الدمويه فهتمتص الماسك بسرعه وتستفاد منه وتغذيه.
- واخيرا نغسل الماسك بمايه دافيه وبعدها بمايه بارده او نمشى قطعة تلج على الوجه لقفل مسام الوجه المفتوحه عشان ممكن عدم قفلها يسببلك مشاكل كتير زى الحبوب والرؤوس السوداء.
- واخر حاجه الترطيب ترطبيها بالمرطب الخاص بنوع بشرتك.