_ لزيادة الوزن هنشرب موز وحليب أكتر مشروب صحي ويعتبر وجبة فطور متكاملة كما أنه غني بالكالسيوم.
_ الشامبو مع القهوة يخلص الشعر من أي رائحة كريهه فى الشعر وكمان بيخلص الشعر من التقصف.
_ لو طلعتلك حبوب فى بشرتك استخدمي ماسك الكركم .. مكوناته (معلقة كركم ومعلقتين لبن) ونتركهم لمدة نص ساعه.
_ عشان نتخلص من الهالات السوداء أو الانتفاخات تحت العين هنحتاج اكياس الشاى الأخضر ونسيبهم يبردوا فى التلاجه ومع الاستمرار هنلاحظ النتيجة فى الاسبوع التاني
لتفتيح البشره: عليكى وعلى ماسك العسل المكونات (معلقه صغيره عسل وعصير لمون ومعلقه صغيره من الحليب) هنحطها لمدة ربع ساعه ونغسلها بمايه فاتره هتحصلى على بشره نضرة وفاتحة.
_ عاوزه شعرك يطول ويبطل تساقط يوميا قلبى راسك وشعرك للأمام واعملى مساچ هتسرع الدورة الشهرية وتحفز نمو الشعر.
_ لو عاوزه وشك يلمع امسحى الميكاب بزيت جوز الهند واعملى بيه مساچ دقيقتين ونعمل كدا مرتين فى الاسبوع وبعدها نغسل وشنا بالغسول الخاص بينا.
نصايح مهمه قبل روتينك اليومى أو قبل وضع الماسكات
- قبل ما نحط اي ماسك نتأكد ان البشره نضيفه وخاليه من الميكاب والزيوت او الكريمات ونبدأ بإزالة الميكاب وغسل الوجه بالغسول المناسب لدينا وتنشيف البشره لأنك لو حطيتى ماسك على بشره فيها غبار وبقايا ميكاب بدل ما هتفيدك هضرك وممكن يطلعلك حبوب تحت الجلد وتعمل التهاب للبشره.
- يجيب استخدام المقشر مره فى الاسبوع عشان نشيل الجلد الميت من الوجه وتكون البشره نضيفه وجاهزه للاستفاده من اي ماسك تسنخدميه لان الجلد الميت يمنع امتصاص الماسك والإستفاده منه ويروح تعبك على الفاضى فضروري تقشير البشره.
- غسل الوجه بمايه دافيه او نستخدم البخار او فوطه سخنه عشان تفتح مسامات الوجه وتمتص الماسك وتستفيد منه البشره بأكبر قدر ممكن.
- ضعى الماسك على الوجه وندلكه لمدة دقيقه او دقيقتين وخليه على بشرتك حسب مدة الماسك التدليك ينشط الدوره الدمويه فهتمتص الماسك بسرعه وتستفاد منه وتغذيه.
- واخيرا نغسل الماسك بمايه دافيه وبعدها بمايه بارده او نمشى قطعة تلج على الوجه لقفل مسام الوجه المفتوحه عشان ممكن عدم قفلها يسببلك مشاكل كتير زى الحبوب والرؤوس السوداء.
- واخر حاجه الترطيب ترطبيها بالمرطب الخاص بنوع بشرتك.