من أشهر الحالات التي توجد فى الصيدليات أيام البرد و الشتا , هى حالة تورم الأصابع فى اليدين و القدمين , أو فى أى منهم و بنلاقى الصوابع بتحمر و تورم بشكل مزعج للمريض , بجانب إنها ممكن تسمرّ فى اللون شوية , و تقشّر , لو كانت الحالة بقى لها فترة طويلة أسابيع أو شهور يعنى
الموضوع فى الغالب بيكون مرض اسمه Raynaud’s Syndrome , و بييجى نتيجة ضعف وصول الدم للأطراف , و اللى بيسوء أكتر مع برودتها فى فصل الشتا , أو عند التعرض المستمر لمصدر من مصادر البرودة زى العمل فى محل أيس كريم مثلا أو عصائر و مثلجات و فى الحالة دى , طبيعة عمل الواحد , بتكون هى السبب فى الحالة , بغضّ النظر عن تغير الجو و الفصول
علاج الحالة دى بيكون بعكس الظروف المسببة لها , يعنى بالتدفئة بأى طريقة مناسبة , حتى لو كانت بوضع الأطراف المصابة , فى مية سخنة لفترة مناسبة مرتين أو تلاتة يوميا , بجانب الحفاظ عليها من البرد بكل الوسائل و طبعا ممكن نستخدم علاج يزوّد وصول الدم للأطراف , زى الأدوية اللى بتحتوى على مادة الـ بنتوكسيفيللين و اللى حابّين نقول عليها معلومة تطبيقية متميزة النهاردة
المادة دى , ما ينفعش تتعطى لحد يكون عنده أزمة ربوية (ربو يعنى) , و بياخد لها دوا فيه مادة الـ ثيوفيللين , عشان فى الحالة دى , ممكن يحصل تعارض دوائى , يؤدى إلى زيادة الأعراض الجانبية الخاصة بالثيوفيللين , لا قدر الله و عشان كده , دايما بنتعلم إننا نسأل المريض قبل ما نوصف له أى حاجة , عن طبيعة شغله , و عن الأمراض اللى ممكن يكون بيشتكى منها اليومين دول , و الأدوية اللى بياخدها حاليا كمان
الأعراض
- ألم فى أطراف اليد و القدم.
- احمرار و زرقان الجلد
- حكة و قرح صغيرة
- تورم الأصابع
طريقة الوقاية والعلاج
- التدفئة التدفئة التدفئة تدفئه القدم والايدي بس. بالتدريج يعني نضع الأيدي. والقدمين في ماء دافئ ونزود. درجه الحرارة واحده واحده عشان لو زودناها جامد ومرة واحده هيحصل ضرر اكتر للانسجه وهيسبب ألم شديد يعني متعرضش اطرافك للماء الساخن مباشرة
- لبس شراب وجوانتي قطن
- شرب سوائل دافئه
- تدفئه الجسم بالكامل
- علاج اي أمراض زي الأنيميا والسكر
- وناخد بعض الأدوية للمساعدة في العلاج بعد استشارة طبيب اوعيه دمويه والعلاجات زي
_ كريمات موضعيه تزود الدم الي الأطراف
_ كريمات موضعيه تقلل الالتهاب والحرقان والهرش
_ فيتامين سي
_ مضاد حساسية
_ ادويه موسعه للاوعيه الدمويه