بعد الدوريتوس ما عجبكم وبما ان الصن بايتس هو كمان فى المقاطعه فهنعمله في البيت بطريقه سهله وصحيه ولذيذه ومن غير مواد حافظه واي حاجه مقاطعه مش هنشتريها وهنعملها فى البيت.
مقادير الصن بايتس
_ عيش فينو بايت قبلها بيوم
_ معلقتين زبده
_ مرقة دجاج
_ كمون او زعتر وممكن تضيفى اي طعم
طريقة تحضير الصن بايتس
اول حاجه هنجيب عيش فينو بايت هنقطعه حلقات ونرصه في صينية فرن
هنجيب معلقتين زبده وننزل عليهم بواحده مرقة دجاج وممكن نحط كمون او زعتر وممكن نحط عودين شبت وممكن نضيف اي طعم احنا عاوزينه
وهندهن الفينو وندخله الفرن خمس دقايق
وهيطلع معاكى احلى صن بايتس صحى ولذيذ واي حاجه مقاطعه مش هنشتريها وهنعملها في البيت.