طريقة عمل الجبنة الرومي فى البيت بمكونات سهله وطعم صحي

الجبنه الرومي من افضل الجبن عند الكبار والأطفال وعند دخول المدارس نجد ان الامهات يعتمدوها كوجبه اساسيه لاطفالهم عشان كدا حبينا نعرض ليكم انهارده طريقة عمل الجبنه الرومي فى البيت بمكونات سهله وطعم صحي ولذييذ ويمكننا صنعها بأي مقدار احنا عاوزينه.

مقادير الجبنه الرومي

_ 3 كيلو لبن

_ ملح

_ ربع معلقة من المنفحة ودى ماده بتساعد على صنع الجبنه

_ لون أصفر

طريقة تحضير الجبنه الرومي

_ اول حاجه هنجيب حله ونحطها على النار

_ بعد كدا هنحط اللبن كله لحد ما يغلي

_ بعد كدا هنضيف على اللبن المنفحة واللون الأصفر وهنقلب كويس جدا

_ بعد كدا هنغطى الحله ونسيبها 10 دقايق عشان اللبن ينفصل عن الشرش

_ وبعد كدا هنرفع مكعبات الجبنه

_ ونرش الملح

_ بعد كدا هنحطها على النار تانى ونفضل نقلبها لمدة 10 دقايق

_ وبعد كدا هنحطها فى شاش نضيف

_ وبعد كدا هنحطها فى التلاجه يوم كامل

_ بعد كدا هنقطعها شرايح ونحفظها فى التلاجه

وتقدم الجبنة الرومي بشكل صحي وأكثر أمان في البيت ويمكن تناولها في وجبة الفطار مع كوباية من الشاي باللبن أو كوبايه من القهوة وبالهنا والشفا.