طريقة عمل رموش الست جميله ولذييذه جدا

مقادير رموش الست

_ كوبايتين دقيق

_ نص كوباية سميد

_ نص كوباية سكر بودره

_ نص كوباية جوز هند

_ نص كوباية زبده او سمنه

_ ربع كوبايه زيت

_ بيضتين

_ معلقه صغيره بيكنج باودر

_ كيس فانيليا

اول حاجه هنعملها الشربات عشان نسيبه يبرد

_ كوبيتين سكر

_ كوبيتين مايه

_ عصير لمونه

هنحط السكر والمايه واول لما يبدأ يغلى هنعصر اللمونه وهنسيبه دقيقه ونقفل النار عشان يبقى خفيف ونسيبو يبرد خالص

طريقة تحضير رموش الست

اول حاجه هننزل بالزيت والسمنه والسكر وهنخلطهم كويس جدا وبعدين هنحط عليهم بيضه كامله وبياض بيضه وفانيليا ونخلطهم كويس اوى وبعدين هننزل بالسميد وجوز الهند وبيكنج باودر والدقيق هننزل بيه اخر حاجه مره واحده وهنبدا نلمها وبلاش اننا نعجنها كتير عشان متبقاش ناشفه مجرد ما تلم معانا تبقى كدا زى الفل وهتبقى طريه وجميله ومش بتلزق وهتتشكل معانا بكل سهوله بعد كدا هنجيب صينيه مع مسحه خفيفه من الزيت ونبدا نشكلها مدوره او شكل العين اى شكل تحبوه وبعدين نجيب الشوكه ونعمل عليها شكل خطوط ونسخن الفرن قبلها ب 5 دقايق وندخلها على درجة حراره 180 لمدة 8 ل 10 دقايق اول لما تاخد لون من تحت هنشغل الشوايه عشان تاخد لون من فوق واول لما تطلع هننزل عليها بالشربات البارد وهنسيبها فى الشربات ربع ساعه وبعدين هتاكلوا احلى رموش فى الدنيا.

وبألف هنا وصحه يا جميل.