طريقة عمل دبابيس كدابة صحيه ولذييذة ( دبابيس توم جيري)

مقادير الدبابيس الكدابة

_ دبابيس مسلوقة

_ بطاطس مسلوقة

_ ميكس جبن

_ جزر مبشور

_ ملح وفلفل

_ بقدونس

_ بصل بودره

_ توم بودره

_ كركم وكاري

_ 2 معلقه كبيره بقسماط

للغلاف الخارجى هنحتاج

_ دقيق

_ بيض ولبن

_ فلفل اسود

_ بقسماط

طريقة التحضير

يلا بينا نشوف الطريقه حلتين على النار الحله الاولى هنحط فيها بطاطس تتسلق واهرسيها والحله التانيه اسلقي فيها الدبابيس تستوي وسبيها تبرد وشيلي الجلد

وافصلي اللحم عن العضم بس اوعي ترمي العضم عشان هنستخدمه تاني

اهرسي بقي الفراخ بالسكينه او بالكبه

وحطيها علي البطاطس المسلوقة والبقدونس المفروم والجزر المبشور والتوابل والجبن والبقسماط المطحون

وشكليها على عضم الدبوس

انزلي بقي بدبوس توم وجيري ده في الدقيق وبعدين في البيض واللبن وبعدين في البقسماط وعلي زيت غزير سخن حمرية على نار متوسطه عشان تستوى من جوا كويس وبألف هنا وصحه يا جميل.