وبما ان الفيريرو روشيه مقاطعه فهنعمله فى البيت صحيه ولذيذه واي حاجه مقاطعه مش هنشتريها وهنعملها في البيت ماتيجوا نشوف الطريقه.
المقادير
_ كيلو من الجلاش
_ كوبايه ونص من البندق المطحون ناعم
_ نص معلقه صغيره من السكر البودرة
_ 1 صفار بيضه
_ 3 معالق كبيره من الشوكولاته
_ سمنة
_ 160 جرام شوكولاته حليب و 1 معلقة بندق مطحون للغلاف الخارجى
طريقة التحضير
_ هناخد البندق والشوكولاتة والسكر البودره و صفار البيض وهنحطهم فى صينيه وهنعجن كويس
_ بعد كدا هناخد قطعه صغيره من الجوز فى ايدينا ونعصرها وبعد كدا نلفها براحه عشان متتفتتش مننا وهنكرر العمليه دى فى كل القطع
_ وبعد كدا هنحطها فى التلاجه ترتاح لمدة نص ساعه
_ هنحط 2 من عجينة البقلاوه على سطع مستوى ونقسمها ل 6 اجزاء متساوية
_ هنحط كل قطعه فى الزبده المذابه وهنحط كرات البندق اللى عملناها فى النهايه هنلفها فى مثلث
_ هنحط البقلاوه اللى غلفناها فى صينية الخبز اللى حطينا عليها ورق الزيت
_ هنحطها فى فرن درجة الحراره 180 درجه لحد ما لونها يبقى دهبى وبعد كدا هنسيبها تبرد
_ بعد كدا هنكسر الشوكولاته فى وعاء ونحط معلقه من الزيت وندوبها فى حمام مائي وهنضيف عليها البندق المطحون
_ بعد كدا هنغطى البقلاوه فى صوص الشوكولاته بالبندق حتى انتهاء الكميه وهنحطه على ورق زبده
_ وبعد كدا هنحطها فى التلاجه تبرد ونقدمها وبألف هنا.