النبي ﷺ وأصحابه ” رضي الله عنهم وأرضاهم ” كانوا يسبعون القرآن.
يعني إيه يسبعون القرآن!؟
وكانوا بيختموا القرآن في أسبوع إزاي ؟
ياتري في طريقة أقدر أختم القرآن زي النبي ﷺ في أسبوع في رمضان !؟
طبعاً فيه
كان في واحد إسمه ” أوس بن حذيفة ” ،، سمع إن النبي ﷺ وأصحابه رضي الله عنهم بيختموا القرآن في أسبوع ،،
فذهب لأصحاب النبي ﷺ وسألهم :
يا أصحاب رسول الله : كيف تحزبون القرآن !؟
انتوا بتختموا القرآن في أسبوع كدة إزاي ،، قولولي الطريقة عشان اقدر أختم القرآن زيكم ،،
فأصحاب النبي ﷺ قالوله :
أننا نحزب القرآن ” ثلاث ، وخمس ، وسبع ، وتسع ، وإحدي عشر ، وثلاث عشر ، وحزب المفصل ” ،،
يعني إيه !؟
يعني بيقسموا السبع أيام ،،
_ أول يوم بيقرأوا ثلاث سور بعد سورة الفاتحة إللي هما :
” البقرة ،، آل عمران ،، النساء”..
_ ثاني يوم بيقرأوا خمس سور:
” المائدة ،، الانعام ،، الأعراف ،، الأنفال ،، التوبة “..
_ ثالث يوم بيقرأوا سبع سور :
” يونس ،، هود ،، يوسف ،، الرعد ،، إبراهيم ،، الحجر ،، النحل “..
_ رابع يوم بيقرأوا تسع سور:
” الإسراء ،، الكهف ،، مريم ،، طه ،، الانبياء ،، الحج ،، المؤمنون ،، النور ،، الفرقان “..
_ خامس يوم بيقرأوا احدي عشر سورة :
” الشعراء ،، النمل ،، القصص ،، العنكبوت ،، الروم ،، لقمان ،، السجدة ،، الأحزاب ،، سبأ ،، فاطر ،، يس “..
_ سادس يوم بيقرأوا ثلاث عشر سورة:
” الصافات ،، ص ،، الزمر ،، غافر ،، فصلت ،، الشوري ،، الزخرف ،، الدخان ،، الجاثية ،، الأحقاف ،، محمد ،، الفتح ،، الحجرات “..
_ سابع يوم بيقرأوا حزب المفصل ،،
إللي هو من سورة ق لحد سورة الناس ،،
بس كدة
شوفت سهل إزاي انك تقدر تختم القرآن في أسبوع ،،
ولو اتبعت الطريقة دي في رمضان ، يبقي هتختم القرآن أربع مرات إن شاء الله بطريقة يسيرة ،،
طب لو نويت أعمل بالطريقة دي زي النبي ﷺ !؟
يبقي يا سلام بقي دة أنت تبقي خدت أجر اتباع السُنة ،،
وأجر القراءة علي كل حرف ،،
ولو بلغت غيرك بالطريقة دي ،، هتاخد أجر علي كل شخص يعرف المعلومة بسببك ،،
يعني هتاخد حسنات من غير تعب خالص
اللهم اغفر لي ولوالدي وللمؤمنين والمؤمنات والمسلمين والمسلمات الاحياء منهم والاموات
اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد