طريقة عمل خلية السينابون القطنيه خطييره

مقادير عجينة خلية السينابون

_ 4 كوبايات دقيق

_ نص كوباية زيت

_ نص كوباية لبن بودرة

_ معلقتين خميره فوريه

_ معلقه كبيره خل ابيض

_ معلقتين سكر

_ رشة ملح

_ معلقه صغيره بيكينج باودر

_ 3 معالق زبادى

_ مايه دافيه

طريقة تحضير العجينه

هنخلط المكونات الجافه مع بعض وعلى جنب فى طبق هنحط الخميره والسكر ونص كوباية مايه دافيه ونسيبهم على جنب خمس دقايق يتفاعلوا مع بعض بعد كدا هنحطهم على المكونات الجافه ونضيف الزيت والزبادى والخل والمايه حسب الحاجه وتعجن كويس لتتكون عندنا عجينه متلزقش فى ايدك ونغطيها ونسيبها ترتاح ساعه وبعد ما ترتاح نقطعها كور صغيره ونحشيها بالجبنه وبعد كدا نحطها فى خليط التغطيه

مقادير خليط التغطيه

_ معلقتين قرفه مطحونه

_ معلقتين سكر بودره

_ معلقه كبيره كاكاو

هنغمس الكورات فيهم ونحطهم فى صينيه مدهونه زبده او زيت ونغطيهم يرتاحوا ربع ساعه وبعد كدا هندخل الصينيه الفرن نكون مشغلينه قبلها على 180 درجه على الرف الوسط هتاخد حوالى 30 دقيقه او على حسب الفرن بتاعك ولما تستوى الخليه نخرجها من الفرن ونحط عليها الصوص

مقادير الصوص

_ نص علبه كبيره لبن مكثف

_ 7 حبات جبنه كيري

_ علبة قشطه

نخلطهم فى الخلاط ونصبهم على الخليه وهنزينها بالوتس او النوتيلا والجوز المفرروم وبألف هنا يا جميل.