طريقة عمل بطاطس كروكيت صحيه ولذيذه

مقادير بطاطس كروكيت

_ نص كيلو بطاطس مسلوقه ومهروسه

_ بيضه مخفوقه

_ معلقه كبيره بقدونس مفروم

_ ملح وفلفل

_ كوباية جبنه موتزاريلا او اى نوع جبنه تحبوه

للغلاف الخارجى هنحتاج

_ بيض

_ بقسماط

_ دقيق

_ زيت

_ ملح وفلفل

طريقة تحضير بطاطس كروكيت

_ هنخلط البطاطس مع البيضه كويس وهنحط عليهم ملح وفلفل اسود وهنضيف الجبنه المبشوره والبقدونس وهنقلب كويس وهنشكل البطاطس اي شكل تحبوه.

_ فى طبق بشوكه هنخفق بيض التغليف وهنحط عليها معلقه كبيره مايه ونضيف ملح وفلفل وهنسيبه الخطه على جنب

_ فى طبق تانى هنخلط البقسماط مع الزيت لحد ما نحصل على قوام زى رمل البح المبلول وممكن نضيف على البقسماط بابريكا او زعتر او الروزماري او اى حاحه تحبوها

_ بعد كدا هناخد البطاطس نغمسها فى الدقيق وبعد كدا هنحطها فى البيض وبعد كدا هنغلفها بالبقسماط

_ هنرصها فى صينيه مبطنه على ورقة زبده وهندخلها الفرن على درجة حراره 200 لحد ما لونها يكون دهبى وممكن نزينها يفلفل الوان او بقدونس مفروم ونقدمها وبألف هنا يا جميل.