بسكوت الزبده بالكيس
المقادير:
_ كيلو دقيق كحك وبسكويت منخول
_ ٦٥٠جرام زبده بارده ولينه
_ ٤٠٠جرام سكر بودره منخول
_ ٤بيضات بحراره الغرفه
_ معلقه صغيره فانيليا
_ نصف كوب لبن بحراره الغرفه
_ معلقتين كبار مساح بيكنج بودر
_ ذره ملح
_ معلقتين كبار كاستر فانليا
الطريقه:
في وعاء يتم خلط الدقيق والبيكنج بودر وذره الملح ومعلقتين الكاستر ويركنوا علي جنب
في بوله يتم وضع الزبده بعد تقطعها مكعبات صغيره مع السكر ويتم ضربهم بمضرب الكهربا أو العجان بالكف حتي يهيش ويصبح كريمي ودي اهم خطوه ثم ننزل بالبيض بيضه بيضه حتي تمتزج تماماثم نضيف الفانيليا ثم نضيف اللبن ونضرب حتي يمتزج تماما ثم نضيف الدقيق بالتدريج ونقلب بمعلقه خشب او اسبتيولا بحرص حتي يمتزج الدقيق ويصبح الخليط كريمي وبيلزق شويه ولو كنا بنستخدم العجان ضيفي الدقيق واستمري في التقليب بالكف مده بسيطه لحد مايمتزج الدقيق
حضري الصواني والبلبله وقمع البسكوت وقومي بتشكيل البسكوت بمنتهي السهوله في مكان بارد ثم ولعي الفرن عشر دقائق علي حراره ١٨٠ودخلي البسكوت رف اوسط هياخد ربع ساعه وبعدين افتحي الشوايه بياخد لون اشقر جميل
ملحوظات
استغلي في مكان بارد
لايتم العجن الكثير يدوب نقلب حتي يختفي الدقيق
ممكن نضيف لجزء من العجينه كاكاو ويبقي بسكوت كاكاو وممكن اضافه اي ناكهه تحبيها زي البرتقال او جوز الهند
وممكن لو حباه نشادر استعملي معلقه صغيره نشادر دوبيها مع اللبن الدافئ كويس واستعملي معلقه كبيره بيكنج بودر كمان
ملحوظه يمكن المزج بين الزبده والسمن باستعمال
٤٠٠جرام زبده مع ٢٠٠جرام سمن
ولو حبيتي تستخدمي ماكينه البسكوت زودي علي المقادير
كوب ونص دقيق وحطيه في التلاجه ربع ساعة
يتم حفظ البسكوت في وعاء محكم الغلق