بما ان الدوريتوس فى المقاطعة فهنعمله في البيت وصحي ومن غير مواد حافظة يلا بينا نشوف الطريقة.
مقادير تسالي الدوريتوس
_ 4 معالق كبيره دقيق دره
_ 2 معلقه كبيره دقيق ابيض
_ ملعقه نشا
_ بيضه واحده
_ ملعقة زيت
_ رشة ملح
_ معلقة زعتر
_ معلقه صغيره كركم
_ معلقه بابريكا
_ معلقه صغيره توم بودره
_ معلقه صغيره بصل بودره
طريقة تحضير الدوريتوس
نعجن كل ده بشوية مايه صغيره لحد ما تكون عجينه متماسكه ونسيبها ربع ساعه وبعدين نفردها على الرخامه بالنشابه ولازم رشة دقيق على الرخامه عشان متلزقش ونحمرها فى زيت كتير وسخن ونوطى النار بعد كدا بتتحمر بسرعه ومبتخدش وقت ونطلعها على مناديل مطبخ تشرب الزيت ونرش شوية بصل بودره وتوم بودره وشوية ملح وممكن كاتشب وبألف هنا.