المقادير
_ كوبيتين دقيق
_ كوباية سكر بودره
_ كوبايه الا ربع زبده
_ 3 بيضات
_ معلقه صغيره فانيليا
_ معلقه ونص صغيره بيكينج باودر
_ رشة ملح
_ معلقة صغيره لبن رايب
_ مربى فراوله او اي طعم تحبوه
طريقة التحضير
_ هننخل الدقيق كويس ونخلط معاه البيكينج باودر والملح
_ هنضرب السكر والزبده بالمضرب وبعدين هنحط عليهم البيض والفانليا واللبن الرايب ونستمر فى الضرب
_ هنحط عليهم خليط الدقيق ونعجن بادينا لحد ما نخلطهم كويس فى بعض والعجينه متلزقش فى ايدينا
_ هنحط العجينه فى كيس بلاستيك ونحطها فى التلاجه ترتاح نص ساعه
_ بعد ما العجينه ترتاح هنطلعها من التلاجه ونفردها براحه على رخامه مرشوشه دقيق
_ نفرد 3 ارباع مقدار العجينه فى صينيه مدهونه بالزبده ونفرد العجينه فى الصينيه كويس ونشيل الزيادات اللى فى جوانب الصينيه
_ نقسم كمية العجينه اللى باقية لكور صغيره ونشكلها على شكل شرايط طويله ونسيبها على جنب
_ نخرم العجينه بالشوكه ونغطيها بورقة زبده
_ ندخل الصينيه الفرن حراره متوسطه ونسيبها 10 دقايق لحد ما لونها يتغير
_ هنطلع الصينيه من الفرن ونشيل ورق الزبده ونفردها بالمربي ونحط عليها شرايط العجينه بالطول ةالعرض
_ ندخل الصينيه الفرن كمان مره ونسيبها 10 دقايق لحد ما وش الشرايط يحمر ونطلعها ناكلها هم هم وبألف هنا يا حلويين.