فى خلال الشتا معظمنا بيعاني من القشره ودا بسبب حاجات كتير غلط بنعملها
من اهمهم
_ انك تغسلي شعرك بميه سخنه
_ تلبسي الطرحه وشعرك مبلول او مندي
_ تعملي حمام زيت وانتي اصلا عندك قشره
_ انك تستخدمي شامبو مش مناسب لشعرك
قشرة فروة الراس وعلاجها:-
في بنات كتير سالوني علي علاج لقشرة الشعر لانها بتسبب لهم ازعاج شديد ده غير تساقط الشعر وكمان طول مافي قشرة في الشعر مش هتقدري تستفدي من عمل اي وصفات او ماسكات لشعر بسبب تكون طبقات دهنية بالفروة بتمنع الاستفادة منها وكمان بتدي الشعر مظهر غير نظيف.
النهاردة جيبالكم وصفة طبيعة هتعالج ان شاء الله قشرة الشعر ومع الاستمرار عليها مش هيكون فيه ولا قشرة يلا نشوف مكونات الوصفة والخطوات
طريقة الوصفه
اولا مكونات الوصفة هي (حناء للشعر عاديه من عند العطار & ربع كوب خل ابيض & معلقتين من شامبو ضد القشرة )
الطريقة : هنخلط المكونات كلها مع بعض عند غسيل الشعر ونبل الشعر بالماء ثم نضع الخليط علي فروة الشعر وندلك جيدا لمدة ٥ دقائق ونتركها علي الشعر لمدة ١٠ دقائق تانية ونغسلها جيدا واستمري عليها مرتين في الاسبوع حتي تقضي علي القشرة تمام ‘. ولو شعرك دهني وبيفرز باستمرار الدهون وبيكون طبقات اعملي الوصفة كل اسبوعين مرة للوقاية من تكون قشرة جديدة
ملحوظة ( الشعر الجاف يجب بعد غسيل الشعر استخدام زيت او كريم مرطب لعدم هيشان الشعر )
جربوها ولو عجبتكم عايزه اعرف النتيجة
الوصفه التانيه
اكسري حبتين اسبيرين حتى تحصلي على بودرة واخلطيهم مع الشامبو اللذي تستخدميه واغسلي شعرك وتخليه تقريبا 5 دقايق على فروة الراس وقولي وداعا للقشرة